ऐतिहासिक भारत इतिहास संशोधन मंडळ, पुणे येथे आयोजित राज्यस्तरीय पुरस्कार वितरण सोहळ्यात ‘अखंड मराठा काकडे परिवार’ महाराष्ट्र संस्थापक अध्यक्ष आणि मराठा क्रांती मोर्चाचे मुख्य संकल्पक सरदार विजय काकडे पाटील यांना राष्ट्रभक्ती परिवाराच्या वतीने मानाचा ‘महाराष्ट्र आदर्श पुरस्कार – २०२६’ देऊन गौरविण्यात आले.
सामाजिक व ऐतिहासिक कार्याची दखल
राष्ट्रभक्ती परिवार या संस्थेतर्फे दरवर्षी सामाजिक, ऐतिहासिक आणि राष्ट्रनिर्माणाच्या क्षेत्रात उल्लेखनीय योगदान देणाऱ्या व्यक्तींचा सन्मान केला जातो. यावर्षी राज्यभरातून आलेल्या शेकडो प्रस्तावांमधून विशेष निवड समितीने सरदार विजय काकडे पाटील यांची २६ वर्षांच्या अखंड व निस्वार्थ समाजकार्यासाठी ही निवड केली. विशेष म्हणजे, संपूर्ण मराठवाडा विभागातून या पुरस्कारासाठी निवड झालेले ते एकमेव व्यक्तिमत्व ठरले आहेत.
२६ वर्षांचा सामाजिक व संघर्षाचा प्रवास
– मराठा क्रांती मोर्चाची संकल्पना (२०१६): कोपर्डी घटनेच्या पार्श्वभूमीवर लाखो मराठा बांधवांना शिस्तबद्ध, मूक आणि अहिंसक मार्गाने रस्त्यावर आणण्याची मूळ संकल्पना त्यांचीच होती. हा मूक मोर्चा भारतीय आंदोलन इतिहासातील मैलाचा दगड ठरला.
– अखंड मराठा काकडे परिवार: या संघटनेच्या माध्यमातून त्यांनी महाराष्ट्रातील काकडे परिवार व मराठा समाजाला संघटित केले. वधू-वर मेळावे, शैक्षणिक मदत, वैद्यकीय सहाय्य आणि गड-किल्ले संवर्धन असे उपक्रम ते दोन दशकांपासून राबवत आहेत.
– इतिहास जतन व प्रसार: छत्रपती शिवाजी महाराज आणि छत्रपती संभाजी महाराज यांचा खरा इतिहास तरुण पिढीपर्यंत पोहोचवण्यासाठी त्यांनी विशेष प्रयत्न केले आहेत.
मान्यवरांच्या हस्ते सन्मान .. भारत इतिहास संशोधन मंडळाच्या सभागृहात इतिहास संशोधक, साहित्यिक, माजी सनदी अधिकारी आणि विविध क्षेत्रांतील मान्यवरांच्या हस्ते शाल, श्रीफळ, सन्मानचिन्ह व सन्मानपत्र देऊन त्यांना सन्मानित करण्यात आले.
“हा सन्मान महाराष्ट्रातील १३ कोटी जनतेचा” “मी गेली २६ वर्षे कोणत्याही पुरस्काराची अपेक्षा न ठेवता छत्रपती शिवरायांना साक्षी मानून कार्य केले. हा पुरस्कार माझा एकट्याचा नसून माझ्या सर्व सहकाऱ्यांचा, कुटुंबाचा आणि रस्त्यावर उतरलेल्या लाखो मराठा बांधवांचा आहे. हा सन्मान मी महाराष्ट्रातील तमाम १३ कोटी जनतेला समर्पित करतो.”
सरदार विजय काकडे पाटील
पुरस्कार सोहळ्यानंतर त्यांनी ‘एक लाख मराठा उद्योजक घडवण्याचा संकल्प’ जाहीर केला. या निवडीबद्दल राज्यभरातून त्यांच्यावर शुभेच्छांचा वर्षाव होत आहे.
॥ जय जिजाऊ ॥ जय शिवराय ॥
About The Author
